Nahuman na jud! Nahuman na jud?

Kanang nang-limpyo ka sa inyohang balay unya naamgohan nimo nga, “humana jud diay ang intrams”, “balik nasad tag klase ani”. Ang atong mga tiil mutamak nasad sa reyalidad. Imbis nga mo sulod og mo adto tag mga booths, way pag duha-duha kita usab mo sulod sa atong tagsa-tagsang tunghaan. Sama sa pagbalik sa usa ka malingawon nga damgo, ang atong mga kasingkasing nag-agay sa pagbalik sa atong normal nga rutina.  Kita usab ma traffic sa tibungco, boom malista nasad sa guwardiya. Di man ta mo uyon ani pero mao man jud ni ang reyalidad.

Naa nasad ta aning dramaha nga gusto ta mo balik sa mga nahitabo. Ang mga kagahapon, sama sa mga bituon sa gabii, nagdan-ag sa atong mga hunahuna, nagpahinumdom kanato sa mga kalingawan ug mga pagsulay nga atong giagian.  Dili lalim ang mga kakapoy pero dili ikalimod na naa jud tay na bati nga  kalipay. Mingawon ka sa mga butang na nagdala sa imog kakapoy.

Pero ayg kabalaka mga Ga, ang mga panaghigalaay nga atong gihimo sa Intramurals, sama sa mga bulak nga nagtubo sa atong kasingkasing, magpadayon sa pagpamulak ug pagdala og kalipay sa atong mga kinabuhi.

Bisan pa man sa pagbalik sa atong normal nga rutina, atong dad-on ang mga leksyon ug mga panumduman gikan sa Intramurals. Ang mga pagsulay nga atong giagian, ang mga kadaugan nga atong naangkon, ug ang mga panaghigalaay nga atong gihimo magpabilin nga bahin kanato.  Magpadayon kita sa pagpaningkamot, sa pag-ambit sa kalipay, ug sa pagsuporta sa usag usa, sama sa atong gihimo sa Intramurals.

Back to reality nasad ta mga Ga!

Ink Contributors:

Boholano, Jubhea Junille

Areja, Franchezka Ashley

#TheMaroonInk

#UMIHS